Unhein Udne Do...!

Pankhoon mein udaan bharkar
Jee rahi thi vo jee bharkar

Kyun daali bediyan uske pairon mein?
Kyun bhej diya use gairon mein?

Tode uske sapne aise...
Udte panchi ko dala ho pinjre mein jaise!

Kya nahi hai use sapne dekhne ka hak?
Atyachar sahengi ladkiyan akhir kab tak?

Kab milega unhein apna har adhikar?
Kab kar paengi vo apne sapne sakar?

Panchi hain vo unmukt gagan ki unhein udne do...
Behti dhara hain sheetal jal ki unhein behne do...